Қарағандыда алғаш рет әйелдер боксы бойынша «Мықтылар турнирі» өтуде. Жарысқа Қазақстан мен Ресейден 70 спортшы қатысады.
19 мен 40 жас аралығындағы біріншілікке қатысушылар 12 салмақ дәрежесінде бақ сынасады. Алғаш рет мықтылар дулығасыз өнер көрсетеді. Бұл қорғаныс IBA жарыстарда алып тасталды. Халықаралық қауымдастықтың мұндай шешімі әйелдерді ер әріптестерімен тең жағдайға қояды.
Қарағанды облысында жеті спортшы бар. Олардың қатарында 19 жастағы Томирис Мырзақұл өнер көрсетеді. Бокспен бойжеткен 8 жыл айналысады.
– Маған бокс ұнайды. Ол әлсіздерге арналмаған спорт. Спортқа боксшыларды жаттықтыратын әкем алып келді. Республикалық және халықаралық жастар жарыстарына көп қатыстым. Әйелдер арасындағы турнирде бірінші рет бақ сынайын деп тұрмын. Жаттығу кезінде дулығасыз болдым, бұл қызықты тәжірибе. Бірден қорғаныс үшін көп жұмыс істей бастайсың. Мені қолдау үшін достарым келді, жеңіске жетемін деп бел буып отырмын, – дейді Томирис Мырзақұл.
Шешуші жекпе-жектерді SPORT+ телеарнасында және www.sportplustv.kz сайтында тікелей эфирде көруге болады.
«Мықтылар турнирі» – осы жылдың қараша айында Иорданияда өтетін Азия чемпионатына іріктеу кезеңі. Ал желтоқсан айында Қазақстан чемпионаты жоспарланған, жарыс қорытындысы бойынша ел құрамасы құрылады.