Қарағанды облысында «Таза Қазақстан» экологиялық акциясы жалғасуда. Облыс орталығының орталық саябағында еріктілер үлкен тазалық шарасын ұйымдастырып, аумақты ретке келтіруге көмектесті. Олар қоқыс жинады, құрғақ бұтақтарды шығарды, көгалдар мен жаяу жүргіншілер жолдарын тазартты.
«Таза болса табиғат, аман болар адамзат!» акциясына жүзден астам адам қатысты. қалада қоршаған ортаны жақсарту үшін студенттер мен оқушылар, жанашыр тұрғындар бас біріктірді. Еріктілер мың қап қоқыс жинады.
Тазалық шарасына қатысушылар тіпті ең ұсақ тұрмыстық қоқыстарды да жинауға тырысты. Балалар мен спорт алаңдары ретке келтірілді.
– Акцияға қатысуға оқушыларды шақырдық. Өскелең ұрпақтың табиғатты бағалауы, оның сақталуына қамқорлық жасауы маңызды. Менің ойымша, біз бірігіп, тапсырманы өте жақсы орындадық, – деп атап өтті демалыс саябақтары мен гүлзарлар басқармасының басшысы Талғат Байтохин.
Басты мақсат – экологиялық мәдениетті қалыптастыру.
– Біз жастарды табиғатқа жауапкершілікпен және ұқыптылықпен қарауға шақырамыз. Ең алдымен, ластанудың алдын алу керек, қоқысты кез келген жерге тастамау керек. Қаладағы тазалық пен жайлылық әрқайсымызға байланысты, – дейді Жастар ресурстық орталығының басшысы Якуб Джамалов.
Экологиялық сенбілікке қосымша ретінде сурет салу шеберлік сабағы өтті. Жас суретшілер өз суреттерінде табиғатқа деген сүйіспеншіліктерін, қоршаған ортаға деген көзқарастарын білдірді. Ал маскот-қатысушылар жағымды көңіл-күй сыйлады.
https://www.gov.kz/memleket/entities/karaganda/press/news/details/859685?lang=kk