2025 жылғы 30 шілдеде Қарағанды қаласының «Шырақ» тілдерді оқыту орталығы Абай Құнанбайұлының 180 жылдық мерейтойына орай жастар арасында «Абайға арзу» атты ақындар мүшәйрасын өткізеді.
Мүшәйраның мақсаты:
- қазақ жазба әдебиетінің негізін салушы, данышпан ақын Абай Құнанбайұлының данышпандық, ақындық қырын жан-жақты көрсету;
- Абай мұрасын насихаттау.
Мүшәйраның шарты:
- мүшәйраға 16-35 жас аралығындағы үміткерлер қатыса алады;
- қатысушылар Абайға арнауын және еркін тақырыптағы өлеңі – барлығы 2 өлеңін ұсынуға міндетті;
- бұрын байқауға ұсынылған және талапқа сай келмейтін шығармалар қабылданбайды.
Мүшәйраға келіп түскен шығармаларды байқаудың қазылар алқасы қарап, талдау жасайды және іріктейді. Үміткерлердің шығармаларын бағалау кезінде:
— ұсынылған шығармалар тақырыбының байқау мақсатына сәйкестігіне;
— шығарманың идеялық мазмұнына;
— туындының көркемдік сапасына;
— автордың сөз саптау мәнері, стильдік ерекшелігіне баса назар аударылады.
Мүшәйраның жеңімпазы мен жүлдегерлері дипломдар және ақшалай сыйлықтармен марапатталады. Жүлде қоры төмендегідей:
Бас жүлде – 100 мың;
І орын (біреу) – 80 мың;
ІІ орын (біреу) – 60 мың;
ІІІ орын (біреу) – 50 мың;
6 қатысушыға бағалы сыйлықтар табысталады.
Мүшәйраның өту форматы мен нақты мерзімі қосымша хабарланады.
Мүшәйраға қатысу үшін үміткердің тапсырыстары (аты-жөні, жұмыс немесе оқу орны, байланыс телефондары, жеке куәлігінің электронды көшірмесі) және шығармалары 2025 жылғы 21 шілдеге дейін 8702 231 16 85 уатсап нөмірі бойынша қабылданады.
Анықтама телефондары: 8775 905 53 17 және 87011737686
Өтінім үлгісі:
| Тегі, аты, әкесінің аты | Туған күні, айы, жылы | Жұмыс/оқу орны, лауазымы | Байланыс телефондары (уатсап), электронды поштасы |
|
|