«Әбілқас Сағынов атындағы Қарағанды техникалық университеті» КеАҚ Қазақ тілі және мәдениеті кафедрасының аға оқытушысы, педагогика ғылымдарының магистрі, ЛОГ-24-2 тобының кураторы Нұржанова Қарлығаш Қанағатқызы «Құқықтық мәдениет негіздері» білім беру курсы негізінде «Адам саудасы (ҚР қылмыстық кодексі)» тақырыбында кураторлық шеберлік сабақ өткізді.
Адам саудасы немесе адам контрабандасы – бұл қылмыстық құқық бұзушылық, құлдықтың бір түрі. Адам саудагерлері меншік құқығы объектісі ретінде пайдаланылатын ересектер немесе балалар арқылы қанайды және пайда табады. Адам саудасының құрбандары еңбек қызметін орындауға (мәжбүрлі еңбек) немесе коммерциялық жыныстық қатынасқа (жыныстық сауда) мәжбүр болады. 18 жасқа толмаған адамды коммерциялық жыныстық қатынас жасау үшін пайдалану кез-келген зорлық-зомбылық, алаяқтық немесе мәжбүрлеу қолданылғанына қарамастан қылмыс болып табылады.
Мақсаты: «Адам контрабандасы» және «Заңсыз көші-қон» ұғымдарын ажырату, сонымен қатар адам контрабандасын қазіргі құлдықтың бір түрі ретінде қарастыру.
Тақырып өзекті. Адам саудасы – құлдықтың қазіргі заманғы түрі, адам құқығының бұзылуы жеке адамға да, мемлекетке де қарсы қылмыс. Бұл тақырыпта өткен кураторлық шеберлік сабақта топ студенттері өздері дайындаған презентацияларын баяндады. Сонымен қатар, ҚР Қылмыстық Кодексі 128 бабы «Адам саудасы» толық мағлұмат берілді.
Нәтижесінде студенттер «Жалпы ұғымдар мен анықтамалар», «Себептері мен факторлары», «Адам саудасының белгілері», «Адам саудасының салдары», «Адам саудасына қарсы шаралар», «Адам саудасының алдын алу», «Адам саудасының алдын алудағы әркімнің рөлі»бағыты бойынша ақпараттарды қорытындылау үшін тест тапсырмаларын орындады.
Гүлмира САҒАТОВА,
«Әбілқас Сағынов атындағы
Қарағанды техникалық университеті» КеАҚ
Қазақ тілі және мәдениеті кафедрасының аға оқытушысы,
педагогика ғылымдарының магистрі
Айнұр КИШЕНОВА,
«Әбілқас Сағынов атындағы
Қарағанды техникалық университеті» КеАҚ
Орыс тілі және мәдениеті кафедрасының аға оқытушысы