Футболдан Қазақстан ұлттық құрамасы 2026 жылы өтетін Әлем чемпионатының іріктеу кезеңінде Лихтенштейнді тізе бүктірді. Осылайша, 12 жылда тұңғыш рет әлем чемпионатының іріктеу ойынында жеңіске жетті.
Матч Вадуц қаласындағы «Райнпарк» стадионында өтіп, футболшыларымыз қарсыластарынан 2:0 есебімен басым түсті. Гол авторлары Максим Самородов және Александр Марочкин.
Айта кету керек Қазақстан ұлттық құрамасы бірінші турда Уэльске 3:1 есебімен жеңілді. Ал, Лихтенштейн Солтүстік Македониядаға есе жіберді. Екінші турда Солтүстік Македония мен Уэльс құрамалары 1:1 есебімен ойынды тең нәтижемен аяқтады.
Футболшыларымыз келесі ойынды 9 маусым күні Солтүстік Македония құрамасына қарсы өткізеді.
Өмір БАЙБОСЫН