Теміртаудың «Шырға тарту» ашық біріншілігінде 70-ке жуық тазы үздік деп танылды. Жарысқа Қарағанды облысының аудандарынан, сондай-ақ Балқаш, Қарағанды, Қарқаралы және Астана қалаларынан қатысушылар келді.
Жарыстың бастамашысы – Теміртау қаласының мәдениет, тілдерді дамыту, дене шынықтыру және спорт бөлімі мен «Тау» спорт клубы. Ұйымдастырушылардың айтуынша, турнирдің басты мақсаты – ұлттық дәстүрлерді жандандыру және қазақ тазысының бірегей қасиеттерін дәріптеу. Осы тұқымдас иттердің ерекшелігі – олардың төзімділігі мен жылдамдығы.
– Тазы – біздің байлығымыз. Ұлттық спорт түрлерін қолдау аясында осындай жарыстар өткізуді шештік, – деді «Тау» спорт клубының жетекшісі Алмат Серімов. – Бұл осындай алғашқы жарыс және менің ойымша, ол сәтті өтті. Біз дәстүрді жалғастырып, оны алдағы уақытта да ұйымдастырамыз деп сенемін.
Турнир аталық және ұрғашылар арасында екі санат бойынша өтті. Бірінші орынды Осакаров ауданының Маржанкөл ауылынан келген тазы Аққұмай иеленді. Аталық тазылар арасында Бұқар жырау ауданының Қушоқы ауылынан келген Очки есімді ит үздік атанды.
Жеңімпаздар мен жүлдегерлер кубоктар мен медальдармен марапатталды.
Ерік РЫМҒАЛИЕВ