Қарағандылық спортшылар Ташкенттегі қол күрестен Азия чемпионатынан алты медаль алып келді. Параармрестлерлер Никита Ермаков пен Қайрат Тебаев екі алтыннан төрт медаль, ал олардың жаттықтырушысы Руслан Туспеков екі қола медаль жеңіп алды.
Жарысқа Азияның 18 елінен 400-ге жуық спортшы қатысты. Қарағанды облысынан екі спортшы мәлімделді. Никита Ермаков 55 келі санатында екі алтын медаль жеңіп алды (сол және оң қол). Қайрат Тебаев 75 келі санатында үздік атанды – сол және оң қолымен күрескені үшін алтын алды. Спортшыларды Руслан Түспеков жаттықтырады. 100 келі және +100 келі санатындағы чемпионатта ол екі рет қола жүлдегер атанды.
– Азия чемпионатында армрестлерлер де, параармрестлерлер де қатар өнер көрсетеді. Бастапқыда мен қатысқым келмеді, – дейді Руслан Түспеков. – 10 жылдан астам уақыт бойы спортшы ретінде өнер көрсеткен жоқпын. Бірақ осы жолы маған ұсынған соң, мен бас тартқан жоқпын. Өзімді әрдайым формада ұстаймын, сондықтан мен екі қола жеңіп алдым. Қарсыластар арасында Қырғызстан мен Өзбекстанды атап өткім келеді. Жалпы, қазақстандық армрестлерлер Азиядағы ең мықты споотшылар. Әлемде Қазақстан армрестлинг бойынша үш жылдан бері көш бастап келеді.
Азия чемпионатының жалпы есебінде Қазақстан бірінші жалпыкомандалық орынға ие болды.
Қазір қарағандылықтар биыл Молдовада өтетін әлем чемпионатына дайындалуда.