«Respublica» партиясының Қарағанды облыстық филиалы 2023 жылдан бері табысты жұмыс істеп келеді. Бүгінде филиал Қарағанды облыстық және қалалық мәслихаттарда, сондай-ақ Теміртау және Шахтинск қоғамдық кеңестерінде өз қызметтерін атқарып отыр. Филиал жанынан қоғамдық қабылдау жұмыс істейді: осы уақыт ішінде азаматтар мен ұйымдардан 300-ден астам өтініш қабылданды, өтініштер бойынша 30-дан астам депутаттық сауал дайындалып, тиісті орындарға жіберілді.
Филиалды бұрын Балқаш және Қарағанды әкімі, сондай-ақ «Сары-Арқа ӘКК» АҚ Басқарма төрағасы қызметін атқарған тәжірибелі мемлекет қайраткері Нұрлан Әубәкіров басқарып келді.
Филиал жанынан үш негізгі алаң құрылды:
- Re.Women – бұл аймақтың 200-ден астам белсенді өкілдерін біріктіретін әйелдер қауымдастығы, олардың арасында кәсіпкерлер, қоғам қайраткерлері және әртүрлі саладағы мамандар бар;
- REJASTARY – кәсіпкерлік және әлеуметтік бастамалар саласындағы жобаларды іске асыратын жастар қанаты;
- Өңірлік кеңес – бизнестің, ҮЕҰ мен кәсіптік бірлестіктердің 22 өкілі.
Филиал жұмысының маңызды нәтижелері:
- Реттелетін сатып алу туралы заңнамаға сәйкес шағын және орта бизнестің ірі жобаларға қолжетімділігін ашатын түзету енгізілді. Өзгерістердің бастамашысы Respublica партиясы атынан депутаты Олжас Құспеков болды, ол мәселені Қарағанды облысы кәсіпкерлерінің өтініштерінен кейін көтерді.
Бұған дейін жергілікті компаниялардың автожолдарды жөндеуге қатысу лимиті тек 125 млн теңгені құраса, қазір ол 5,9 млрд теңгеге дейін ұлғайтылды. Бұл – қарағандылық кәсіпкерлер мен басқа да өңірлер үшін елеулі қолдау.
Студенттердің ата-аналары университеттің қайта құрылуына байланысты Қарағанды медициналық колледжінің жабылу ықтималдығы мәселесімен Respublica партиясына жүгінді.
Депутат Нұргүл Тау мен партияның Қарағанды облыстық филиалы қалыптасқан жағдайды шешуге қосылды. Министрліктермен және әкімдікпен кездесулер өткізілді. Нәтижесінде іс оң шешім тауып, колледж студенттері оқуын жалғастыруға мүмкіндік алды.
Азаматтардың өтініштерімен жұмыс, филиал қызметінің негізгі бағыттарының бірі.
Қазіргі уақытта жеке медициналық ұйымдар мен әлеуметтік объектілердің қызметіне, жергілікті тауар өндірушілер мен ШОБ-ты қолдауға, туристік саланы дамытуға байланысты мәселелер талқыланып, пысықталуда.
Ерзат ЕРМАҒАМБЕТ