Қарағанды облысында Саяси қуғын-сүргін және ашаршылық құрбандарын еске алу күні Спасск мемориалдық кешенінде митинг-реквием өтті. Қатысушылар естелік белгілерге гүл шоқтарын қойып, тоталитаризм жылдарында жазықсыз зардап шеккендердің барлығын бір минут үнсіздікпен еске алды. Дипломатиялық миссиялар мен мемлекеттік органдардың, этномәдени бірлестіктердің өкілдері мен қоғам қайраткерлері құрмет көрсетті.
Архив деректері бойынша, Спасск зиратында 50-ден астам ұлттың 5000-нан астам адам жерленген. Бұл мемориал әртүрлі халықтар үшін ескерткіш орынға айналды.
– Бүгін біз әрқайсымыз үшін осы ауыр және қайғылы күнді атап өтеміз. Қиын жылдар мен ата-бабаларымызды еске алу үшін жиналдық. Біздің Қазақстанға өркендеу, әрбір тұрғынға денсаулық пен бейбітшілік. Барлық халықтар достықта өмір сүрсін деп тілеймін, – деді әзірбайжан этномәдени орталығының төрағасы Гюлага Рзаев.
Спасск мемориалдық кешені тоталитаризм дәуіріндегі саяси қуғын-сүргін құрбандарын жерлеу орнында құрылды. 1987 жылдан бастап мемориал аумағында әртүрлі мемлекет ескерткіш белгілер орнатты. 2004 жылы Қарағанды билігінің бастамасымен Қазақстан жерінде жатқан саяси қуғын-сүргін құрбандарының барлығына ескерткіш орнатылды.
Естеріңізге сала кетейік, Қазақстанда жыл сайын 31 мамырда Саяси қуғын-сүргін және ашаршылық құрбандарын еске алу күні атап өтіледі.
Ерболат ЕРБОЛҰЛЫ