Қарағанды облысында «Заң және тәртіп» идеологемасы аясында азаматтардың құқықтық санасын жаңа деңгейге көтеруге бағытталған «Құқық тәртібі әліпбиі» ауқымды жобасы басталды. Бұл бастама өңірдің қоғамдық қауіпсіздікті нығайту және мемлекеттік органдар жұмысында ашықтық мәдениетін қалыптастыру стратегиясын іске асырудағы келесі қадам болды.
Осы стратегияның негізгі элементтерінің бірі – заманауи цифрлық құралдарды енгізу. Арнайы әзірленген QR-код құқық қорғау органдарының қызметі туралы ақпаратқа және құқық бұзушылықтардың алдын алу материалдарына жылдам және ыңғайлы қол жеткізуді қамтамасыз етеді.
«Құқық тәртібі әліпбиі» қоғам мен полицияның өзара әрекеттесуінің бірегей форматын ұсынды. 26 қараша күні белсенділер, жұртшылық өкілдері және өңірдің бей-жай қарамайтын тұрғындары, сондай-ақ Е.Бөкетов атындағы ҚарУ заң факультетінің студенттері полиция қызметкерлерімен бірге әртүрлі бөлімшелер жұмысының қағидаттары мен алгоритмдерін іштен көру үшін бір күн өткізді.
Жобаға қатысушылар кәмелетке толмағандар ісі жөніндегі полициядан бастап көші-қон қызметіне дейін, Жедел басқару орталығынан жедел әрекет ету арнайы жасағына дейінгі 11 қызметтің қызметімен танысып, әр бөлімшенің тәртіп пен қауіпсіздікті сақтауға қосқан үлесін бағалады.
Сондай-ақ Еңбек және жауынгерлік даңқ мұражайына экскурсия, арнайы жасақтардың қару-жарағын, тергеу-криминалистикалық полигонын және жылжымалы зертханасын, кинологиялық қызметтің мүмкіндіктері көрсетілді.
Кейін қатысушылар қызметтерге бөлініп, уақытша жұмыс орындарына аттанды.
Әділ БЕК