Балқашта колледж түлектерін жұмысқа орналастыруға қатысты меморандум жасалды. Өңірдің ірі компанияларымен жасалған келісім жастар үшін жаңа жұмыс орындарын құруды көздейді.
– Жұмысшы мамандықтар жылында біз жас мамандарымызды қолдау үшін өңірдегі жеті ірі кәсіпорынның күшін біріктіре алдық. Қол қойылған меморандум жаңа жұмыс орындарын құрудағы маңызды қадам болатынына сенімдімін, – деп атап өтті Балқаш әкімі Сапар Сатаев.
Бастаманы қолдаған компаниялардың тізімі нақтылануда. Олар: «Балқашцветмет», «Қазақмыс», Kazakhmys Energy, Tranco Balkhash, «ДСП Тастемир», «Балқаш Жібек жолы» және «Недра-Балхаш».
Шара Наурызнама – Жаңару күні онкүндігінің алтыншы күні өтті.
Сонымен қатар, Жаңару күні «Еңбек жолы» байқауының лауреаттары марапатталды. Сондай-ақ, қаланы дамытуға қосқан үлесі үшін меценаттар мен еріктілер атап өтілді.
Өмір БАЙБОСЫН