Балқаш медициналық оңалту орталығы көрсетілетін қызметтер спектрін кеңейту үшін жаңа жабдықтар сатып алды. Пациенттер оларды МӘМС арқылы тегін ала алады. Медициналық мекеме ультрадыбыстық терапия, ультракүлгін сәулелену, парафин терапиясы, инверсиялық үстелдер, электромиостимуляция және амплипульстерапия аппараттарын сатып алды.
Биылғы жылы аяқ-қол қозғалысы бұзылған науқастарға экзо қолғап сатып алу жоспарлануда. Келесі айда орталықта психологиялық оңалту бөлмесі, сенсомоторика және тұз шахтасы ашылуы тиіс.
Балқаш медициналық оңалту орталығы тәулік бойғы стационарда 40 төсек орынға және күндізгі стационарда 8 төсек орынға есептелген. Орталық мемлекеттік-жекешелік әріптестік бойынша салынған.
Ол жоғары деңгейлі жабдықтармен жабдықталған.
— Күндізгі стационардағы 40 төсектің 25-і неврологиялық, 10 травматологиялық және 5 кардиологиялық ем алуға шақталған. Күндізгі стационарда біз коронавирустық инфекциямен, бронх демікпесімен ауыратын науқастарға көмек көрсетеміз. Пациенттерді ауруханаға жатқызу міндетті әлеуметтік медициналық сақтандыру пакеті шеңберінде, сондай-ақ ақылы негізде жүзеге асырылады, — деді БМОО директоры Владимир Омельченко. — Ашылған сәттен бастап біздің орталық барлық қажетті жабдықтармен жабдықталған. 2021—2022 жылдары біз талдау жасадық та, қызметтердің сапасын жақсарту үшін бізге жаңа жабдық қажет деп шештік. Жаңа құрылғыларды сатып алу арқылы біз қызмет көрсету аясын кеңейтіп, сапасын жақсартамыз.
Оңалту көмегін алу үшін медициналық мекемеге инсульттан, омыртқааралық жарықтарды жою операцияларынан және омыртқаға, миға басқа хирургиялық араласулардан кейін пациенттер жүгінеді.
Бір айда Орталық әртүрлі патологиясы бар 80—90 пациентке оңалту және қалпына келтіру емін жүргізеді.