Қарағанды қаласындағы Достық үйінде облыстың түкпір-түкпірінен үлгілі отбасылар жиналды. Олардың көбісі үш-төрт ұрпақ сабақтастығын жалғастырып келеді. Биыл 11-ші рет өткізіліп отырған «Мерейлі отбасы» ұлттық байқауының облыстық кезеңінің қорытындысы Отбасы күні қарсаңында шықты. Бас жүлдені Балқаштан келген Халабаевтар отбасы жеңіп алды. Енді олар елордада республикалық кезеңде Қарағанды облысының атынан қатысатын болады.
Осы жылы Қарағанды облысының қалалары мен аудандарындағы іріктеу турларына 400-ге жуық отбасы қатысты. Облыстық кезеңге әр өңірден 24-тен екі отбасыдан шықты.
«Мерейлі отбасы» ұлттық байқауының танымалдығы жыл сайын артып келеді.
Аймақтық кезеңдердің барлық жеңімпаздары лайықты, сондықтан комиссияға таңдау жасау қиынға соқты.
– Сіздердің араңызда жеңілгендер жоқ, сіздердің барлығыңыз жеңімпаздарсыз және бәріміз үшін үлкен үлгі боласыздар Келесі жыл жұмысшы мамандықтар жылы деп жарияланғанын білесіз. Сіздер барлықтарыңыз еңбек адамдарысыздар: шахтерлер, мұғалімдер, дәрігерлер және басқа да кәсіп әулеттерінің өкілдері. Мемлекет отбасы институтын қолдайды. Үлгілі отбасы – бұл сіздердің үлкен жұмыстарыңыздың нәтижесі, балаларыңызды күнделікті тәрбиелеу, оларға рухани құндылықтарды, адамгершілік мұраттарды, ұлттық дәстүрлерді құрметтеуді үйретесіздер! – деді қатысушыларға облыс әкімінің орынбасары Әлібек Әлденей.
Салтанатты рәсімде әр отбасы таныстырылды. Кезек бойынша облыстық кезеңнің финалистері көрермендердің қошеметіне бөленді.
Барлығына дипломдар мен естелік сыйлық – облыс әкімінің құттықтау сөзі жазылған альбом табыс етілді, оны отбасылық фотосуреттермен толтыруға болады.
Содан кейін ақшалай сыйлықтардың иегері атанған жеңімпаздардың есімдері жарияланды.
Бас жүлдеге ие болған Балқаштан келген Халабаевтар отбасы өте үлкен. Отанасы – тоғыз бала тәрбиелеген 78 жастағы Батыр ана Хиуа. Бүгінде оның 31 немере мен 33 шөбересі бар. Хиуа әжені марапаттауға Серікжан ұлының отбасы келді.
Ол көптеген жылдар бойы жүргізуші, жұбайы Арайлым – Әл-Фараби атындағы мектепте қазақ тілі мен әдебиеті пәнінің мұғалімі болған. Олардың бес баласы және екі немересі бар. Үлкен ұлдары ересек, жұмыс істейді және өз отбасы бар, ал кіші үшеуі мектеп оқушылары.
Үш жыл бұрын Халабаевтар облыстық «Кітап оқитын отбасы» байқауында жеңіске жетті: отбасында барлығы кітапқұмарлар – кішкентайдан ересектерге дейін.
Сонымен қатар, отбасы шығармашылыққа жаны жақын. Хиуа әже да өлең жазады. Серікжан әкесінен қамшы тоқу шеберлігін үйренген, ал оның ұлдары домбырада ойнайды.
– Әрине, біз мұндай марапатқа қуаныштымыз. Бұл өте үлкен құрмет. Байқау отбасылық және дәстүрлі құндылықтарды насихаттауға, отбасын нығайтуға ықпал етеді. Біздің елімізде махаббат пен өзара сыйластық орнаған бақытты отбасылар көп болғанын қалаймын, – дейді Арайлым Халабаева.
Бірінші орын Осакаров ауданы Молодежный кентінен келген Олжабековтер отбасына берілді. Олар марапатқа 89 жастағы ақсақалдың басшылығымен келген. Иса Олжабеков жұбайы Дәмелімен бірге жеті бала тәрбиелеп өсірді. Қазір отбасында 24 немере, 47 шөбере және үш немене бар.
Екінші орын алған Абай ауданы Вольный ауылының Родиндер отбасында ерлі-зайыптылар 40 жылға жуық бірге, әкесі мен үш ұлы «Абай» шахтасында еңбек етеді.
Үшінші орын Бұқар жырау ауданы Ботақара кентінен келнен көпбалалы Асқаровтар отбасына бұйырды.
Айта кету керек, 2013 жылдан бастап Қазақстанда қыркүйектің әр екінші жексенбісінде Отбасы күні атап өтіледі.
Манас АҚСАРЫ