2024 жылғы 23 қарашада Қарағандыда әйелдердің рөлі мен жүйелі мәселелерді шешудің ортақ тәсілдері талқыланған Әйелдер форумы өтті. Дәл осы форумда «AMANAT» партиясының әйелдер қанаты құрылып, оның жетекшісі болып Зара Шалабаева тағайындалды.
Қарағанды облысында партияның 23 мың мүшесі бар, олардың 5 мыңнан астамы – жастар қанатының әйелдері. Облыстық мәслихатта – 6, қалалық және аудандық мәслихаттарда – 36 әйел депутат, сондай-ақ 13 ауылдық округ пен кент әкімі қызмет етеді.
— Әйелдер қанатының негізгі жұмыс бағыттары — әйелдердің саяси көшбасшылығын қолдау, әйелдерге қарсы зорлық-зомбылыққа жол бермеу, инклюзивті қоғамды дамытуға жәрдемдесу, психологиялық қызмет институтының құрылуы мен жұмыс істеуіне қолдау көрсету, әйелдердің өндірістегі рөлін арттыру, ауылдағы әйелдер кәсіпкерлігін дамытуға жәрдемдесу, әйелдер денсаулығы мен отбасы институтын нығайту, гендерлік сараптама мен гендерлік теңдікті ілгерілету, әйелдердің экономикалық құқықтары мен мүмкіндіктерін кеңейту, — дейді «AMANAT» партиясының Қарағанды облыстық филиалы әйелдер қанатының жетекшісі Зара Шалабаева.
2023 жылдың қараша айында өз жұмысын бастады. Ал желтоқсанда алғашқы сапар Шет ауданына ұйымдастырылды. Бұл сапар шабыттандыратын бастама болды – аудан әкімі төрағалық еткен форумға белсенді әйелдер: депутаттар, қоғам қайраткерлері, батыр аналар және ауыл еңбеккерлері қатысты. Біз әйелдер қанатының басымдықтары мен мақсаттарын талқылап, әйелдер көшбасшылығының болашағына көз жүгіртті.
Әрбір шара жүздеген жылы сәттен тұрады. Олар балаларға мерекелік шаралар ұйымдастырып, тәтті сыйлықтармен қатар, жүрек жылуымызды да сыйлады. Себебі оларға қуаныш пен мерекелік көңіл-күй сыйлау – басты міндет.
Сонымен қатар, ардагерлер мен қарттарды да назардан тыс қалдырмады. «Ардагерлерді ардақтайық» жобасы аясында өмірлік тәжірибесі мол, ақылшы аналармен кездесіп, олардың өмірлік даналығы мен тәлімін бойларына сіңіріп қайтты.
Ерекше жетістіктердің бірі – 6 мамырда өткен «Тең мүмкіндіктер» инклюзивті спорттық фестивалі. Түрлі қаладан келген балалар бұл күнді ерекше қуанышпен қарсы алды. Олардың өз күшіне сенімін арттыру – ең басты сый болды.
— Кәсіпорындар мен қолдау орталықтарындағы кездесулер жаңа серпін беріп, отбасы мен балаларға не қажет екенін тереңірек түсінуге көмектестік. «Балаға уақыт арна» науқанын бастап, әрбір ананың баласымен көбірек уақыт өткізіп, оған мейірім мен қамқорлық көрсетуіне жағдай жасадық, — деп қосты «AMANAT» партиясының Қарағанды облыстық филиалы әйелдер қанатының жетекшісі.
Игі бастамалар жүзеге асып, партия жанынан Отбасы медиациясы және психологиялық қолдау орталығы ашылды. Отбасылық құндылықтар мен дәстүрлерді нығайту бағытында жұмыстарын жалғастыра бермек.
Әрбір әйелге, әрбір отбасыға қолдау көрсету – басты мақсат. Балалардың әділетті қоғамның толыққанды мүшесі болып, өздерін маңызды сезінуі үшін бар күш-жігер салынады.
Ерік Рымғалиев