Қарағанды облысында су басудың алдын алу шаралары қабылдануда. Қарқаралы ауданында Қоянды ауылына жақын Қарасор көлінде 600 шаршы метр аумақта мұз жарылды. Бұл шара мұз кептелістерін жою үшін қажет.
Осындай шаралар Нұра, Өткелсіз, Жаманқон, Құланөтпес, Есіл және Үлкен Құндыз өзендерінде өткізілді. Жалпы алғанда, жарылыс жұмыстары 14 мың шаршы метрді қамтыды.
Сондай-ақ, өңірде 2,3 миллион текше метрден астам қар шығарылды, 11 тоннадан астам инертті материал төселді, 54 шақырымнан астам арық тазартылды, 42 шақырымнан астам ор қазылды, 13,6 мыңнан астам қап инертті материалдар төселді.
Алдын алу шаралары күшейтілген режимде жалғасуда.
Қарағанды облысы ТЖД баспасөз қызметінің ақпараты бойынша