Сарандағы Абай атындағы жалпы білім беретін мектептің спорт залына азаматтық қорғау сержанты Хали Хайраттың есімі берілді. Марқұм дәл осы мектепте оқыған.
– Спорт залы біздің жауынгерлік жолдасымыз Хали Хайраттың құрметіне аталған, ол өз өмірін құрбан етіп, аумағы мен халқын табиғат апатынан қорғады, – деді Қарағанды облысы ТЖД бастығының бірінші орынбасары Еркін Отарғалымұлы. – Хайрат батыл болатын, қиындықтардан қорықпайтын, спортты ұнататын. Бұл зал құтқарушы мамандығын құрметтеудің нышанына, біздің батырымыздың естелігіне айналады. Біз осы мемориал Хайраттың өзі оқыған мектепте орналасқанына ерекше қуаныштымыз.
Қаһарманды еске алу үшін мектепте оның өмірін баяндайтын төрт стенд орнатылды.
Естеріңізге сала кетейік, Хали Хайрат 2024 жылы 6 қазанда Қарқаралы ауданындағы табиғи өртті сөндіру кезінде қаза тапқан болатын.
Ерлігі үшін ол қайтыс болғаннан кейін «Ерлігі үшін» медалімен марапатталды.
Құтқарушылар мектепке спорттық құрал-жабдықтар сыйға тартты: доптар, шахмат, тенниске арналған керек-жарақтар.
Ал салтанатты рәсімнен кейін қазақ күресінен және үстел теннисінен жарыстар өтті.