Үстел теннисінен Қазақстан чемпионатында Қарағанды облысының спортшылары он медаль жеңіп алды. Республикалық біріншілік Өскеменде 2006 жылы туған және одан кіші жасөспірімдер арасында өтті.
Қарағандылық спортшылар төрт алтын, үш күміс және үш қола жүлдеге ие болды. Оның үшеуін Альбина Жақсылықова жеңіп алды.
1 орынды Альбина Жақсылықова, Виктория Мочалкина, Дарья Фу, Екатерина Охмак және Мария Лукьянова иеленді. Қыздар арасында жеке разрядта Альбина Жақсылықова бірінші. Қыздар жұбы Виктория Мочалкина мен Дарья Фу да бірінші атанды. Аралас жұптық разрядта Мария Лукьянова мен Қыдырәлі Қабдылуахитов (Павлодар облысы) жеңіске жетті.
Екінші орында Алан Құрманғалиев, Әмір Торғайбеков, Асылхан Мағзұмбеков, Арсен Қабдулов, Райымбек Келбуғановтар. Қыздар жұбы Альбина Жақсылықова мен Мария Лукьянова да екінші орынға тұрақтады. Жеке разрядта Виктория Мочалкина екінші орын алды.
Жеке разрядта үшінші орынды Дарья Фу иеленді. Ерлер арасында жұптық разрядта Әмір Торғайбеков мен Ши Дан Ян (ШҚО) үшінші орында. Аралас жұптық разрядта үшінші орынды Виктория Мочалкина мен Арнұр Оралханов (ШҚО) иеленді.
Қарағанды облысы дене шынықтыру және спорт басқармасының ақпараты бойынша