Біз сөз еткелі отырған Қамбаров Серік – облыс көлеміне белгілі адам. Белгілі болатыны зейнет демалысына шықса да елімізде болып жатқан оқиғаларға құлақ түріп, қажетті жерінде үн қосып, жағымды пікір айтып, елдің жақсысына қуанып, жаманына күйініп, азаматтық ұстанымын ашық білдіріп жүрген аз ғана қарияларымыздың бірі. Аз ғана дейтініміздің де жөні бар, жөн біледі, жөн сілтейді деп үміттенген адамдарымыздың көпшілігі үнсіз. Бір жағы олардың ұстанған бағыты дұрыс па деп ойлаймын, өйткені айтқанды тыңдап жатқан тағы ешкім жоқ.
Ауыл адамы болғаннан кейін құрметпен Секең деп айта берейін, ол кісіні жас кезімнен бері білемін. «Қарабұлақ» ауылындағы байланыс бөлімшесінің қызметіне басшылық жасады. Сарт-сұрт етіп сартылдап тұратын аспаптарға толы жұмыс бөлмесі болды. Ішінде арнайы жабдықталған бұрышта құлаққап киіп алған Секең отырады. Өзіне керемет жарасатын, соған қызығатынбыз. Ол кісіде маза болмайтын. Белсенді, қай жұмыста болсын ен ортасынан табылады.. Тіпті ол кісісіз жұмыс бітпейтіндей. Үнемі науқанды жұмыстардың бел ортасында жүреді. Өйткені жас кезінен ауылшаруашылығы істеріне араласқан, араласып қана қоймай, соның бәрін қолмен атқарған.
Жұмысшылар кәсіподағы жиналысына міндетті түрде қатысады, жұмысшылар талабын алдымен Секеңе айтады, ол кісінің назарына іліккен шаруаның шешілмейтіні кемде-кем. Бастауыш партия ұйымының жиналысында Секең отырады, талқыланып жатқан мәселенің оң пікірі тағы Секеңнен күтіледі. Мұның бәрі шаруашылықта Секеңнен басқа адам жоқ деген емес, жағдай солай қалыптасқан, өйткені ол кісі өзекті мәселелер шешілетін жерде жүреді, ретін біледі, айта біледі және тыңдата біледі. Совхозда халықтық бақылау комитеті деген ұйым болды. Осы ұйымның төрағасы ретінде де айтары аз болмайтын. Ол кезде қазіргідей қомағайлық жоқ, дегенмен жұмыс барысында кетіп жататын кемшіліктер кездесетін. Кемшілік әсерінен қалтаға түсіп жатқан қаржы тағы жоқ, бірақ бейберекетсіздіктің, салақтықтың салдарынан далаға ұшатын қаржы болады. Міне, осыған тосқауыл қою мақсатында, жанында жүргендердің өзін сынап тастайтын кездері аз болмайтын. Ол кездегі талап солай. Уақыт тауып, аудандық, облыстық газеттерге ауыл өмірінің жаңалықтарын жазып отыратын Секең бұл дәстүрінен әлі де жаңылған жоқ.
Қамбарұлы Серік мұның бәрін оқып туған жоқ, үйрену мектебі болды, Секең сол мектептен керектісін ала білді, өмірінде дұрыс пайдалана алды. Совхоздың алғашқы директоры Смағұлов Мірәсілден үйренгені аз еместі. Одан кейін облыстағы ең жас директор саналатын Сәдуақасов Мақсұт басшы болып келді. Сол бір кездері Қарабұлақтың мәдени дамуында ерекше бір серпіліс туып, жақсы біліммен қаруланған мамандар шоғыры пайда болды. Адамбаев Балтабай, Аймағанбетов Иман, Әбдіханов Аманбек, Ботбаев Қабдуали, Жексенбин Бөрібай, Ибраев Дүйсен, Уәдиев Қозы, Шәріпов Аманкелді сынды шаруашылық серкелері ауылдың экономикасын өркендетуде үлкен роль атқарды. Аты аталған азаматтардың көпшілігі аудан, облыс, республика көлемінде, республикадан тыс жерлерде сүбелі қызметтер атқарды.
1990 жылдан бастап, ауылшаруашылығында берекесіздік жайлап, ақыры жекешелендіруге келіп тірелді. Су, электр жарығы қолжетімсіз күйге түсті. Бірақ Секеңнің байланыс бөлімшесі халыққа қызмет етуін тоқтатқан жоқ. Бүкіл дүниесін 12 шақырым жердегі Ақжал кентіне орналастырып, халықты сапалы байланыспен қамтамасыз етті. Көп шаруашылықтарда байланыс мәселесі қырын кетті, талапайға түсті, ақыры құрып тынды. Жан-жақтағы елді мекендер байланыс үшін Ақжалға келетін болды.
Қамбарұлы Серік Ақжал кентіндегі құрметті ақсақалдардың көшбасшысы, ардагер ақсақалдар алқасының төрағасы. ҚР Журналистер одағының мүшесі. «Батыр Баян», «Шет ауданына 90 жыл», «ҚР тәуелсіздігіне 25 жыл» медальдерінің иегері. 2019 жылдан бері «Шет ауданының Құрметті азаматы». 2022 жылы «Қазақстан Республикасының құрметті азаматы» атағын алды. Алғысхаттары да жетерлік.
2023 жыл Астана қаласы «AMANAT» партиясының төрағасы Ерлан Қошановтан сайлау науқанына белсене қатысқаны үшін Алғыс хатымен марапатталды.
«Білім өркениеті» Ұлттық иновациялық ғылыми-зерттеу орталығының ұйымдастыруымен «Жаңа Қазақстан жаңарту мен жаңғыру жолы» атты «Қазақстан Республикасының еңбек сіңірген қызметкері» республикалық байқауының I дәрежелі дипломымыен және төсбелгісімен марапатталды.
үлестері үшін Алғысхатпен марапатталды.
2024 жылы «Қазақстан Республикасының Алтын жұлдызы» атты республикалық байқауының жеңімпазы атанып,байқаудың төсбелгісімен және де I дәрежелі дипломымен мараппаталды.
2024 жылы 25 қазан – Республика күніне орай, «AMANAT» партиясы Қарағанды облыстық филиалының төрағасы Б.Алтынбековтың алғыс хатымен марапатталды.
Еліміздің дамуына, өркендеуіне елеулі үлес қосып жүрген қоғам қайраткері.Өзінің барлық күш-жігерін, білімі мен тәжірбиесін еліміздің игілігіне жұмсаған нағыз патриоты деуге толық негіз бар. Ел алдында кісілік келбеті жарқын, көңілі ашық, пейілі дариядай, өзіне жүктелген қандай жауапкершілігі зор міндеттерді мүлтіксіз іске асырған парасатты тұлға екенін еліне таныта білді. Білімі мен еңбекті өнегелі тәрбиемен ұштастыра білген тәлімі мол азаматтың өмір жолы кейінгі буын жастарға үлгі-өнеге.
Аңғар СМАҒҰЛ