Биыл Қарағанды облысында 1029 шақырым автомобиль жолы жөнделеді.
Жолдарды жөндеу және салу туралы Өңірлік коммуникациялар қызметі платформасында өткен брифингте Қарағанды облысының жолаушылар көлігі және автомобиль жолдары басқармасы басшысының орынбасары Мақсат Мұқашев айтып берді.
Сәкен Сейфуллин – Өспен – Ағадыр автожолының 26 шақырымында, сондай-ақ Ақсу-Аюлы – Ақтоғай автожолының 57 шақырымында орташа жөндеу жұмыстары жүргізіледі. Трафиктің қарқындылығына байланысты ұзындығы 10 км Ақтас – Саран учаскесі де маңызды болып табылады. Онда екі қабат асфальт төсеу жоспарлануда.
– Қарқаралы – Қоянды учаскесін орташа жөндеу және ұзындығы 19 км Саран – Шахтинск автожолын күрделі жөндеу, сондай-ақ Шерубай – Нұра өзені арқылы өтетін көпірді қайта жаңарту жалғасады, — дейді Мақсат Мұқашев. – Ұзындығы 20 км Нұра – Осакаровка жолының учаскесі қайта жаңартылады, 19 км жолда асфальтпен қозғалуға болады. Қозғалыс үшін ашық учаскеде жол жиектерін нығайту және тосқауыл қоршауын орнату бойынша жұмыстар жүргізілді. Абай ауданында Жартас – Долинка жолының 21-ші шақырымын қайта жаңарту жалғасуда. 18 км жолдың жоғарғы қабатына асфальтбетон төселген. Жұмыс жалғасады.
Биыл орташа жөндеу жұмыстары Қарағанды – Қарқаралы жолында да жалғасады, онда 52 км қамту жоспарлануда. Үштөбе – Құрылыс автожолының ұзындығы 9 км учаскесін қайта жаңарту басталды, ол қалалық әуежайдан Үштөбе ауылы арқылы Қарағандыға және кері қайтуға балама жол болады. Теміртау – Токаревка автожолындағы Нұра өзені арқылы өтетін көпірді қайта жаңарту жұмыстары жүргізілуде. Жобаны іске асыру жол қозғалысының қауіпсіздігін арттырады және Ғабиден Мұстафин атындағы кент тұрғындары үшін жол жүру уақытын қысқартады.
Сонымен қатар, Қарағанды – Жезқазған және Шахан – Молодецкое автомобиль жолдарын реконструкциялау бойынша жобалау-сметалық құжаттама әзірленуде.