Еңбектің маңыздылығы туралы көркем шығарма арқылы қазақстандықтар «Ерлік пен еңбек дастаны» әдеби байқауына қатыса алады. Өтінімдер осы жылдың тамыз айына дейін қабылданады. Бір автор кез келген жанрда бұрын жарияланбаған бір ғана жұмысты ұсына алады.
Шығармаларда еңбеккерлердің өз ісіне деген сүйіспеншілігі мен адалдығын, әр кәсіптің бірегейлігін көрсету, жұмысшылардың ішкі әлемін, олардың өмірлерін, армандары мен күнделікті сын-қатерлерін ашу қажет.
Жеңімпазды құрамында жазушылар мен қоғам қайраткерлері бар комиссия анықтайды.
Шығармалар ҚР Ұлттық мемлекеттік кітап палатасы, 050016, Алматы қаласы, Пушкин көшесі, 2/76 мекенжайы бойынша қабылданады.
Электрондық пошта: erlikpenenbekdastany@gmail.com.
Толық ақпаратты мына телефондар арқылы алуға болады: +7-727-397-61-97, +7-727-397-61-15.
Байқауды ҚР Мәдениет және ақпарат министрлігі Жұмысшы мамандықтар жылы аясында ұйымдастырып, дарынды авторларды қолдауға және жұмысшы мамандықтарды дәріптеуге бағытталған.
ҚР Мәдениет және ақпарат министрлігінің баспасөз қызметі