2026 жылдың 3 ақпанында «Әбілқас Сағынов атындағы Қарағанды техникалық университеті» КеАҚ Қарағанды облысы бойынша мектеп оқушылары арасында жалпы білім беретін пәндер бойынша пәндік олимпиада ұйымдастырды. «Жоғары математика» кафедрасының меңгерушісі міндетін атқарушы, т.ғ.к., қауымдастырылған профессор, В.В.Журов, ф-м.ғ.к., қауымдастырылған профессор Л.М. Мустафина, т.ғ.к., ассистент профессор К.М.Ахметов, жаратылыстану ғылымдары магистрі, оқытушы К.Д.Тимошина Қарағанды және Қарағанды облысының 10-11 сынып оқушылары арасында «Математика» пәнінен олимпиаданың ІІ кезеңін өткізді.
Қатысушыларға мектеп бағдарламасын терең білуді ғана емес, сонымен қатар логикалық ойлауды, зейінділікті және шығармашылық ойлау қабілетін талап ететін тапсырмалар ұсынылды. Онлайн турдың нәтижелері бойынша екінші турға ең үздік қатысушылар таңдалды.
Мектеп оқушылары есептерді үлкен қызығушылықпен шешті, жұмысқа белсенді қатысты және жоғары деңгейдегі дайындықты көрсетті. Олимпиадаға қатысушылардың барлық жұмыстарын қарап шыққаннан кейін, қазылар алқасы олимпиада нәтижелерін жариялады.
Екі турдың қорытындысы бойынша жүлделер келесідей бөлінді:
І-орын – Иван Филиппов (№2 лицей).
ІІ-орын – Рахат Құсайынов (Қ.Сәтпаев атындағы ҚМУ гимназиясы),
Серік Саттар – Әл-Фараби атындағы ҚМУ мектеп-гимназиясы
ІІІ-орын – Дамир Сахабутдинов (№2 лицей),
Тимофей Бочарников – (Қ.Сәтпаев атындағы ҚМУ гимназиясы).
Олимпиада жеңімпаздары мен жүлдегерлеріне сертификаттар мен бағалы сыйлықтар табысталды. Олимпиаданың барлық қатысушысына қатысу сертификаттары берілді.
Математика – мектеп пәндерінің ішіндегі ең маңызды ғылымдардың бірі. Ол оқушылардың ойлау қабілетін дамытып, өмірде дұрыс шешім қабылдауға үйретеді. Математиканың пайдасы: логикалық ойлауды дамытады, есеп шығару арқылы оқушы салыстыруға, талдауға және дәлелдеуге үйренеді, зейінді арттырады, математика мұқият болуды, қателікті байқауды қалыптастырады, шешім қабылдауға үйретеді.
Гүлназира ШАИХОВА
«Әбілқас Сағынов атындағы Қарағанды техникалық университеті»
«Жоғары математика» кафедрасының т.ғ.к., қауымдастырылған профессоры