Қарағанды облысындағы трассада қардан қорғайтын модульдік қоршаулар пайда болады. Олар қиын учаскелерде қар ұстауды қамтамасыз етуге және автожолдардағы қауіпсіздік деңгейін арттыруға көмектеседі.
Бүгінгі таңда модульдік конструкциялар Ақмола облысының автожолдарында сыналуда. Олар шыны талшықтан және полиэфир шайырынан жасалған, коррозияға төзімді. Темірбетон конструкцияларымен салыстырғанда орнату оңай және арнайы техникалық қызмет көрсетуді қажет етпейді.
– Бұл Ақмола облысында өзін оң жағынан көрсеткен жеңіл құрылым. Оны орнату үшін топырақтың тұтқырлығы қажет. Күзге қарай біз Қарағандыдан Балқашқа қарай шығатын автожол бойында осындай қалқандарды орнатуды жоспарлап отырмыз, – дейді «ҚазАвтоЖол» ҰК АҚ Қарағанды облыстық филиалының директоры Ерлан Жұмағұлов. – Олардың біздің аймақта қандай нәтиже беретінін көреміз, өйткені бізде басқа аймақтарға қарағанда жауын-шашын көп болады.
«Қазавтожол» облыстық филиалы өңірде 1444 шақырым автомобиль жолдарына қызмет көрсетеді. Жолдарды қыста күтіп ұстау үшін ұйымда 137 бірлік техника бар. Бұл шнекороторлар, аралас жол техникасы, автогрейдерлер, тракторлар, бульдозерлер және тиегіштер. Қажет болған жағдайда қалың қар бораған кезінде жолдарды тазартуға тағы 10 бірлік жалға берілетін арнайы техника тартылады.
– Қыс мезгілінде жолдарды сапалы күтіп ұстау үшін биыл біздің еншілес компаниямыз тағы 29 қар тазалау техникасын сатып алды, – деп атап өтті Ерлан Жұмағұлов. – Автожолдардың ең көп жүретін учаскелерінде біз 28 мың метрден астам тұрақты және 3 мың метрден астам уақытша қар ұстайтын қалқандар орнаттық. Сондай-ақ, қар ұстайтын траншеялар, біліктер мен қабырғалар орнатылды. Ауа-райының нашарлауы және трассалардың жабылуы кезінде біз мүмкіндігінше қысқа мерзімде қарды тазартуға және полицияның сүйемелдеуімен автокөліктердің өтуін қамтамасыз етуге тырысамыз. Біз көбінесе жүргізушілер мен азаматтардан сын естиміз, бірақ оған түсіністікпен қараймыз. Алайда, біздің арнайы машиналарды қарапайым адамдар басқаратынын түсіндіргіміз келеді. Егер жолда ақтүтек бораннан ештеңе көрінбесе, оларға да жұмыс істеу қиын.
Жолдар мүлдем көрінбей, қар бортуына байланысты аймақта барлық бағыттар бойынша трассалар жабылды.
– Трассаларды жабу туралы шешім «Қазавтожол» ұлттық компаниясы мен ТЖД қызметкерлерімен бірлесіп қабылданады. Біз ауа райы болжамына сүйенеміз және азаматтарымыздың игілігі үшін әрекет етеміз. Сондықтан автокөлік жүргізушілерін жолдардың жабылуын қадағалауға, қолайсыз ауа-райында елді мекендерден тыс жерлерге шықпауға шақырамыз, – деді Қарағанды облысы ПД ЖПҚБ бастығының орынбасары Бауыржан Хантеміров.
Республикалық маңызы бар автожолдардың жабылуы туралы ақпаратты «ҚазАвтоЖол» компаниясының ресми сайтынан алуға болады ru.qaj.kz немесе компанияның call-орталығына 1403 нөміріне қоңырау шалу қажет.