Қазақ әдебиетіне жалынды жырларымен өшпестей із қалдырған өр тұлғалы сыршыл ақын Сәкен Сейфулиннің өмірі мен шығармашылығы кейінгі ұрпақтың әдебиет, ұлт руханиятына деген көзқарасын қалыптастыруда өзіндік маңыздылығын жойған емес.
Осы мақсатта еліміздің әр өңірінде жас ақындар арасында ақын шығармашылығын насихаттап, мәнерлеп оқу сайыстары өтуде. Жоғары оу орындары арасында Сәкен Сейфуллиннің 130 жылдығына арналып ұйымдастырылып жатқан түрлі шара жас ұрпақты тәрбиелеуде ерекше рөл атқарады.
Жақында Әбілқас Сағынов атындағы Қарағанды техникалық университеті «Қазақ тілі және мәдениеті» кафедрасының оқытушылар ұжымы бірігіп, ақсұңқар ақын Сәкен Сейфуллиннің 130 жылдығына арналған «Қазақ руханиятының ақсұңқары» атты Республикалық жас ақындардың мәнерлеп оқу онлайн байқауын ұйымдастырып, өткізді. Байқаудың мақсаты мен міндеті – Сәкен Сейфуллиннің өмірі мен шығармашылығын жырға қосып, елдігімізді, еркіндігімізді дәріптеп, әлем алдындағы абыройымызды тілге тиек етіп, дауылпаз ақын шығармаларын жастар арасында насихаттау;
- Қазақ тілінің қолдану аясын кеңейту;
- Тіл мәдениетін көтеру;
- Көркем әдебиетті студенттер арасында кеңінен насихаттау;
- Талантты және талапты жастарды анықтау т.б.
Республикалық жас ақындардың мәнерлеп оқу онлайн байқауына Дәулет Серікбаев атындағы Шығыс Қазақстан техникалық университетінің 3 курс студенттері Жақсылық Нұрасыл мен Құмархан Динара, Қарағанды «Bolashaq» академиясының 4 курс студенті Шари Қымбат, Әбілқас Сағынов атындағы Қарағанды техникалық университетінің ЦАФ-24-3 тобының студенті, Арх-24-10 тобының студенті Шайхиев Жиханшах, «Ұлттық тәрбие тағылымы» үйірмесінің мүшелері Арх-23-6 тобының студенті Мамедова Эмина мен СИБ-24-1 тобының студенті Бекенов Орынбасар және бірінші курс студенттері Лог-24-2 тобының студенті Кенесова Дания, АИУ-21-2 тобының студенті Қанағат Елдар, ТТ-24-1 тобының студенті Алтайбай Мұхаммед, БТ-24-2 тобының студенті Мамедова Зейнаб қатысты.
Ақсұңқар ақын Сәкен Сейфуллиннің 130 жылдығына арналған «Қазақ руханиятының ақсұңқары» атты жас ақындардың мәнерлеп оқу онлайн байқауының жеңімпаздары дипломмен, алғысхаттармен марапатталды.
Қ.М.ХАМЗИНА,
Әбілқас Сағынов атындағы
Қарағанды техникалық университетінің
«Қазақ тілі және мәдениеті» кафедрасының меңгерушісі
м.а.,ф.ғ.к,доцент,
М.Ә.ХАСЕН,
Ғ.М.ӘБІЛҚАСОВ,
аға оқытушылар