Жаңа Қазақстанда жас көшбасшыларға қашан да жол ашық. Заманауи тау-кен металлургия өнеркәсібі әлемінде Ақтоғай ауданы аумағында орналасқан «Алтыналмас-Технология» ЖШС асыл металдар өндіру зауытының орны ерекше.
Аталған зауыттың басшысы Ұласхан Даниярұлы Қосжанов – кәсіби беделі мен кен орнының дамуына қосқан шексіз үлес қосқан жан. «Astana Mining & Metallurgy» беделді халықаралық тау-кен металлургия конгресінде ол былтырғы жылдың қорытындысы бойынша «Жыл металлургы» аталымында үшінші орынды иеленді.
Ұласхан Даниярұлының аталған компаниядағы жүріп өткен жолы өзінің ізденімпаздығымен және кәсіби өсуге ұмтылуымен ерекше. Еңбек жолын 2018 жылы учаске бригадирі болып бастаған Ұласхан өзінің таланты мен жұмысқа деген адалдығы арқасында тез танылып, технолог қызметіне ауыстырылады. Сөйтіп, 2021 жылға қарай Ұласхан Даниярұлы асыл металдар шығаратын зауыт пен диірменді басқарып, тамаша басқарушылық қасиеттерін көрсете білді.
Оның сала дамуына қосқан үлесін бағамдасақ, басқарушылық қызметі бір қыры ғана. Ұласхан Даниярұлы негізгі жобаларды жүзеге асыруға, соның ішінде, флотациялық учаскені іске қосуға және Долинное алтын айыру фабрикасын жаңғыртуға белсене қатысқан тәжірибелі маман. Жабдықтың оңтайлы жұмыс режимін таңдап, операциялық персоналды оқыту тәсілінің арқасында зауыттың өнімділігі жылына 3 миллион тоннаға дейін көтерілген. Бұл күткеннен асып түсіп отыр.
Ұласхан Даниярұлының басты жетістіктерінің бірі – Екінші және үшінші дәрежелі асыл тастарды ұсақтау ғимаратында шаңды басатын жүйені енгізу және улы газдардың концентрациясын төмендету үшін беру және шығару жүйесін жаңғырту болғанын айта кету керек. Бұл инновациялар жұмыс үрдісінің қауіпсіздігін арттырып қана қоймай, өндіріс өнімділінің тиімділігін арттыра түсті.
Сондай-ақ, Ұласхан Даниярұлының «Варваринское» АҚ, «ССГПО» АҚ, «Алтынтау-Көкшетау» АҚ және «Полиметалл» АҚ сияқты жетекші салалық кәсіпорындарда байыту кешендерін іске қосуға белсене қатысқанын айта кеткен жөн.
Ұласхан Даниярұлының еңбек жолына қарап отырып, оның кәсіби шеберлігі, тәжірибесі мен көшбасшылық қасиеттері ерекше үйлесім тапқанын нық сеніммен айта аламыз. Түрлі кәсіпорындағы тәжірибесі, қысқа және ұзақ мерзімді жоспарлай білуі, жаңашылдыққа деген құштарлығы оны еңбек сіңірген сала көшбасшысы етіп отыр.
Еліміздің өсіп-өрендеуі үшін Ұласхандай білікті, бәсекеге қабілетті жас көшбасшылардың көп болғаны керек-ақ.
Әдебиет БЕЛГІБАЙҰЛЫ