Қоғамның дамуына кедергі келтіріп, елдің болашағына балта шабатын кеселдің бірі – жемқорлық. Ол мемлекеттің өркендеуіне тосқауыл болып қана қоймай, халықтың билікке деген сенімін әлсіретеді. Сондықтан жемқорлықпен күресу – баршаға ортақ міндет.
«Жемқорлық – дерт, жегі құрт» деген сөздің астарында үлкен мән жатыр. Өйткені құрт ағаштың ішін білдірмей кемірсе, жемқорлық та қоғамның іргесін іштен ірітіп, елдің дамуына зиянын тигізеді.
Жемқорлықтың алдын алу және жастардың құқықтық сауаттылығын арттыру мақсатында студенттер арасында танымдық сабақтар өткізу маңызды. Осы бағытта 2026 жылдың 15 қазанында ЛОГ-26-3 тобның кураторы Қ.Қ. Нұржанова топ студенттеріне «Сыбайлас жемқорлық және қазіргі қоғамда оның алдын алу жолдары» тақырыбына кураторлық танымдық сабақ өткізді. Мұндай танымдық сабақтар барысында жемқорлықтың мәні, себептері мен зардаптары, сыбайлас жемқорлыққа қарсы заң талаптары және адалдық қағидаттары кеңінен түсіндіріледі.
Сабақ барысында студенттерге өмірлік мысалдар ұсынылып, түрлі жағдаяттарды талдау, сұрақ-жауап, пікір алмасу және тақырыптық тапсырмалар арқылы олардың өз ойларын ортаға салуына мүмкіндік беріледі. Сонымен қатар парақорлыққа тап болған жағдайда қандай әрекет жасау керектігі, заңды жолмен көмекке қайда жүгінуге болатыны туралы ақпарат беріледі. Мұндай танымдық сабақтар жастардың құқықтық мәдениетін қалыптастырып, әділдікке, адалдыққа және жауапкершілікке деген көзқарасын нығайтуға ықпал етеді.
Студенттер – еліміздің ертеңін қалыптастыратын жас буын. Сондықтан олардың бойына адал еңбек ету, заңды құрметтеу, өз құқығы мен міндетін білу секілді құндылықтарды сіңіру аса маңызды. Білім беру ұйымдарында жемқорлыққа қарсы мәдениетті қалыптастыруға бағытталған іс-шараларды тұрақты өткізу жастардың парасатты әрі жауапты азамат болып қалыптасуына жол ашады.
Жемқорлықпен күрес тек мемлекеттік органдардың міндеті емес. Әрбір азамат заң талаптарын сақтап, парақорлыққа төзбеушілік танытып, әділетсіздікке бейжай қарамауы керек. Себебі жемқорлыққа қарсы күрес әр адамның өзінен, өз ортасынан және күнделікті іс-әрекетінен басталады.
Адалдық – адамдықтың белгісі, әділдік – қоғамның тірегі. Біз жемқорлыққа көз жұма қарамай, оның кез келген көрінісіне қарсы тұра білсек, болашағы жарқын, дамыған әрі әділетті қоғам құра аламыз.
Қорыта айтқанда, жемқорлық – елдің тамырына түскен дерт, қоғамды іштен жейтін құрт. Оған қарсы күрес – бүгінгі күннің ғана емес, келешек ұрпақ алдындағы да жауапкершілігіміз. Ендеше, жастардың бойына адалдық пен парасаттылықты сіңіріп, жемқорлыққа қарсы сананы қалыптастыруға бәріміз атсалысайық! Адалдықты ту етіп, әділдікті өмірлік ұстанымға айналдырайық!
Қарлығаш НҰРЖАНОВА,
Қаламқас ҚАЛЫБЕКОВА,
«Әбілқас Сағынов атындағы Қарағанды техникалық университеті»